يه‌كسانكردنی بڕوانامه‌ جيهانيیه‌كان

بۆ هەموو ئەو کەسانەى بڕوانامەى خویندنیان لە دەرەوە بەدەست هیناوە و دەیانەوێ  لە کوردستان یەکسانى بکەن. ئەوا داواکار پێویستە پێشتر ئەم زانیارانەى خوارەوەى لەم لاپەڕەیە بە تەواوى خوینبێتەوە دڵنیا بیت لە پێشکەش کردنەکەى پێش ئەوەى پیشکەشى بکات. بە هۆى زۆر ناردنى مامەڵەى ناتەواو ئەوا فەرمانگەکەمان  هەستا بەداڕشتنى ڕینمایەکان لەگەڵ گۆڕانکارى لە پێشوازى کردنى فۆڕمى پێش کەشکردن (مامەڵەکان).

بڕوانامە و بەڵگەنامەکان :

1.    پێویستە ئەم دۆکیومێنتانەى خوارەوە ئامادە بکرێت (بۆ هەر بەڵگەنامەیەک وێنەیەکى ڕەسەن و کۆپى پێویسە):

   بۆ هەڵگرانى بڕوانامەى (دبلۆم، بەکالۆریۆس، دبلۆمى باڵا، ماستەر، دکتۆرا، بۆرد) یاخود ئەو بڕوانامانەى کە یەکسانن بەو جۆرە بڕوانامەیە :

  • پەسەند کردنى ئەم بەڵگەنامە و بڕوانامانەى خوارەوە لە وەزارەتى دەرەوە و بالۆێزخانەى عێراقى (لەو ووڵاتەى کە بڕوانامەکەى بەخشیوە):

 

  • بڕوانامەى سەر دیوار ( الشهادە الجداریە )
  • بڕوانامەى نمرەکان ( وثیقە الدرجات ) " ئەگەر هەبێت لەو جۆرە خوێندنە".
  • هەموو ئەو بڕوانامانەى کە بەدست هاتوون پێش ئەم بڕوانامەیەى کە ئیستا پێشکەش ئەکرێت داوادەکرێت تاوەکو بڕوانامەى ئامادەیى، جگە لە خاوەن بڕوانامەکانى دکتۆرا و بۆرد، کە بڕوانامەى ئامادەییان لێ داواناکرێت.
  • بڕوانامەى پاشکۆ Diploma Supplement .
  • نامەى خوێندن ( الاطروحە ) ئەگەر هەبێت لەو جۆرە خوێندنە ، ومۆرى زانکۆى لە سەر بێت (لە گەڵ کۆپى پانزە لاپەرەى یەکەم).

سەبارەت بە بروانامەی ئامادەیی:

بڕوانامەى ئامادەیى " دانەیەک ڕەسەن و کۆپى یەکى ڕەنگاو ڕەنگ " ( بۆ هەڵگرانى بڕوانامەى دبلۆم، بەکالۆریۆس ، دبلۆمى باڵا ، و ماستەر ئەگەر هاتوو بڕوانامەى بەکالۆریۆسى لە دەرەوەى عێراق تەواو کردبوو ) :

  1. ئەگەر هاتوو بڕوانامەى ئامادەیى لە دەروەى عێراق بوو ، ئەوە دەبێت فۆرمى تایبەت پڕ بکات و خاوەن بڕوانامە بە نووسراوێک دەنێردرێت لە لایەن وەزارەتى خوێندنى باڵا بۆ وەزارەتى پەروەردە بە مەبەستى یەکسانکردنى بڕوانامەى ئامادەیى ( بە پێ ى پەیوەندارى ـ حسب العائدیە ) .
  2. ئەگەر هاتوو بڕوانامەى ئامادەیى لە ناوەوەى عێراق بێت ، ئەوە دەبێت پەسەند بەکرێت لەو جێگەى کە بڕوانامەکەى بەخشیوە ، هەر وەها لە لایەن پەروەردەى پەیوەندار بەو شوێنە.


    2 .  بەڵگەنامە کەسایەتیەکان
:
بۆ هەڵگرانى تەنها ڕەگەزنامەى عێراقى :   

  • ناسنامەى بارى شارستانى ( کۆپى ڕەنگاو رەنگ ) .
  • ڕەگەزنامەى عێراقى ( کۆپى ڕەنگاو رەنگ ) .
  • پەسپۆرت ( کۆپى ڕەنگاو رەنگ ) ، لەگەڵ ئەو لاپەرانەى کە دسەلمێنێت ئەو کەسە جێنیشین بووە ( لەو ووڵاتەى کە بڕوانامەکەى بەخشیوە ) بە درێژایى ماوەى خوێندن .
  • بۆ هەڵگرانى دوو ڕەگەزنامە ( عێراقى و بیانى ) :
  • ناسنامەى بارى شارستانى ( کۆپى ڕەنگاو رەنگ ) .
  • ڕەگەزنامەى عێراقى ( کۆپى ڕەنگاو رەنگ ) .
  •  پەسپۆرتى بیانى ( کۆپى ڕەنگاو رەنگ ) .
  • بۆ هەڵگرانى تەنها ڕەگەزنامەى بیانى :
  •  بەڵگەنامەى جێنیشین بوون بۆ ماوەیەک " کەمتر نەبێت لە شەش مانگ " ( کۆپى یەکى ڕەنگاو رەنگ ) .
  • پەسپۆرتى بیانى ( کۆپى یەکى ڕەنگاو رەنگ ) .


3    .    ژیاننامەى کەسایەتى ( السیرە الذاتیەـCV  
4    .    وێنەیەکى ڕەنگاو ڕەنگ .
5    .    ئەگەر هاتوو ئەو کەسەى کە بڕوانامە پێشکەش دەکات بۆ یەکسانکردن ، فەرمانبەر بێت یاخود داواى دامەزراندنى کردبێت ( دەتوانێت نووسراوێک پێشکەش بکات لە فەرمانگەکەى یاخود ئەو فەرمانگەى کە دەیەوێت تێدا دابمەزرێت سەبارەت بە داواکردنى یەکساکردنى بڕوانامەکەى بە شێوەیەکى فەرمى )

6   .    گەڕان بە دواى ناوى زانکۆ لە ڕێبەرى یونسکۆ دا بە ڕێگەى ئەم لینکە: http://www.iau-aiu.net/content/list-heis


7   .    پڕکردنەوەى فۆرمى تایبەت بە یەکسانکردنى بڕوانامە .
8   .    پڕکردنەوەى " بەڵێن نامە " ى تایبەت ( کە دەست دەکەوێت لە فەرمانگەى نێردراوان و پەیوەندییە ڕۆشنبیرییەکان ـ بەرێوەبەرایەتى یەکسانکردنى بڕوانامەکان ) .

    ئەم کارانەى کە لە لایەن وەزارەت ئەنجام دەدرێت :

 

  1.  بڕوانامە پێشکەش بە لێژنەى یەکسانکردنى بڕوانامەکان دەکرێت بە مەبەستى یەکسانکردنى .
  2.  لەوانەیە ئەو لێژنەیە داواى چاوپێکەوتن بکات لە گەڵ خاوەن بڕوانامە ( و بۆ ئەم مەبەستە پەیوەندى بەو کەسە دەکرێت بۆ ئامادە بوون لە کاتێکى دیارى کراو ) .
  3.  ئەو بڕوانامەى یەکسان دەکرێت دەخرێتە کۆنووسەوە .
  4. بۆ پسپۆرى پزیشکییەکان و هەندێ ووڵات خاوەن بڕوانامە بە نووسراوێک دەنێردرێت بۆ لایەنى پەیوەندیدار بە مەبەستى تاقیکردنەوەى توانستى زانستى ( و بۆ ئەم مەبەستە پەیوەندى بەو کەسەوە دەکرێت لە ڕێگەى ئیمیل یاخود تەلەفۆن ) .
  5. پاش جێ بەجێکردنى ئەو هەنگاوانە بڕیارى یەکسانکردنى بڕوانامە دەرئەچێت ( ئەمەش پێویستى بە مانگێگ تاوەکو 3 مانگ دەبێت ):

  • بڕیارى یەکسانکردنى بڕوانامە بە شێوەیەکى کاتى دەرئەچێت ئەگەر هاتوو هەر تێبینییەک لە سەر ئەو بڕوانامەیە هەبێت لە کاتى پێشکەشکردن .
    • •    بڕیارى یەکسانکردنى بڕوانامە بە شێوەیەکى هەمیشەیى دەرئەچێت ئەگەر هاتوو هیچ تێبینییەک لە سەر ئەو بڕوانامەیە نەبێت .

    •    بە مەبەستى وەرگرتنى دوو وێنە لە بڕیارى یەکسانکردن بە زمانى عەرەبى ، پێویستە فۆرمى تایبەت بەم مەبەستە پڕبکرێت ، ئەمەش پێویستى بە هەفتەیەک تاوەکو دوو هەفتە دەبێت . 
    •    بە مەبەستى یەکسانکردنى نمرەکان پێویستە داواکارییەک پێشکەش بکرێت بۆ ئەم مەبەستە ( کە بە تایپ نووسراو بێت ) ، بڕوانامەکە دووبارە پێشکەش بە لێژنە دەکرێت . ئەمەش پێویستى بە هەفتەیەک تاوەکو دوو هەفتە دەبێت . 

      6.   دەتوانرێت پەیوەندى بە وەزارەت بکرێت بەو ڕێگەى کە دەدرێت بە خاوەن بڕوانامە ( بە ڕێگەى ئیمێل یاخود تەلەفۆن ) لەو کاتەى کە دستنیشان دەکرێت لە لایەن فەرمنبەرانەوە بۆ پرسیارکردن سەبارەت بە ئەنجامى بریارى یەکسانکردنەکە  .
 

        7  .   پاش دەرهێنانى بڕیارى یەکسانکردن :

•    فەرمانبەرى پەیوەندار ئاگادارى خاوەن بڕوانامە دەکات بە مەبەستى هاتن و وەرگرتنى بڕیارى یەکسانکردنەکە ( بە ڕێگەى ئیمێل یاخود تەلەفۆن ) .
•    خاوەن بڕوانامە ، بڕوانامە ڕەسەنەکانى خۆى وەردەگرێت لە گەڵ نامەکەى ( ئەگەر هاتوو پێشتر پێشکەشى کردبێت ، ئەمەش بۆ خاوەن بڕوانامەکانى ماستەر و دکتۆرا کە جۆرى خوێندنەکەیان بە سیستەمى ریسیرچ بووە ) .
•    خاوەن بڕوانامە دوو وێنە لە بڕیارى یەکسانکردن وەردەگرێت .
•    ووڵامى نووسراوەکەى دەدرێت ( ئەگەر هاتوو پێشتر نووسراوى پێشکەش کردبێت ) .

    8.    لە کاتى بوونى سکاڵا لە سەر ئەنجامى بڕیارى یەکساکردنى بڕوانامەکە دەتوانرێت داواکارییەک پێشکەش بکرێت ( کە بە تایپ نووسراو بێت ) ، بە مەبەستى روون کردنەوەى و هۆى ئەو سکاڵایە . ئەمەش پێشکەش دەکرێت بۆ لێژنەى یەکسانکردنى بڕوانامەکان بە مەبەستى پێداچوونەوە بە بڕیارەکە ، پاشان ئاگادارى خاوەن بڕوانامە دەکرێت بە ئەنجامەکەى .


تکایە:

هەموولایەک ئاگادار دەکەینەوە کە بە هیچ شێوەیەک رۆژانی چوارشەممە سەردانی بەرێوەبەرایەتی یەکسانکردنی بروانامەکان مەکەن بەهۆی سەرقاڵ بوونی فەرمانبەرەکانیەوە بە کۆبۆنەوەی هەفتانەی یەکسانکردنەوە.

 
تێبینى:-

 

  • ئەگەر هەر ساختەو درۆکردنێک بدۆزرێتەوە ئەوا داواکار بە بڕى000، 5$ ئەمریکى سزادەدرێت و داواى یاسایی لە دژى بەرزدەکرێتەوە.
  • ئێمە بە ڵگەنامە ڕاستەقینەکان لەلای ئێمە دەبێت  تا بڕیارى کۆتاى یەکسان کردنى بڕوانامەکە دەر دەچێ دواتر دەیگەڕێنینەوە بۆ خاوەنی.
  • تکایە دڵنیابە لەوەى کە ئەو زانکۆیەى کە تۆ پێشکەشت کردە ناوى لە ڕیزبەندى ڕێکخراوى UNESCO هەیە، تکایە  لێرە کلیک بکە: http://www.iau-aiu.net/content/list-heis

  تکایە سەرجەم فۆرمە داواکراوەکان بۆ یەکسانکردنی بروانامە لە هاوپێچی خوارەوەدا ببینە:

 

AttachmentSize
فۆرمی یەکسانکردنی بروانامە601.67 KB
فۆرمی نیشتەجێبوون لە ماوەی خوێندن30.03 KB
فۆرمی وەرگرتن213.06 KB
بەڵێننامە111.27 KB